A on omo ghe se rivà ‘na letera in do i ghe scrive che el ga da ‘nare aRoma.
E cussì l’è partìo a piè e par strada.

El ga incontrà el galo;
el galo ghe ga dito: “In do veto a piè par tuta sta strada che te ghe da

fare?”
E l’omo: “Me xe rivà ‘na carta da Roma, bisogna che vaga!”
El galo ghe dise. “Che vegna anca mi?”
E l’omo: “Ben, vien anca ti!”
Galo castaldo!

Piasè avanti i ga incontrà ‘na galina, che la ghe ga dito:
“In do neo a piè par tuta sta strada che ghe da fare?”
E l’omo: “Me xe rivà ‘na carta da Roma, bisogna che vaga!”
E la galina ghe dise. “Che vegna anca mi?”
E l’omo: “Ben, vien anca ti!”
Galo castaldo,
Galina castaldina!

Piasè avanti i ga incontrà l’oca, che la ghe ga dito:
“In do neo a piè par tuta sta strada che ghe da fare?”
E l’omo: “Me xe rivà ‘na carta da Roma, bisogna che vaga!”
E l’oca ghe dise. “Che vegna anca mi?”
E l’omo: “Ben, vien anca ti!”
Galo castaldo,
Galina castaldina,
Oca badessa!

Piasè avanti i ga incontrà l’anara, che la ghe ga dito:
“In do neo a piè par tuta sta strada che ghe da fare?”
E l’omo: “Me xe rivà ‘na carta da Roma, bisogna che vaga!”
E l’anara ghe dise. “Che vegna anca mi?”
E l’omo: “Ben, vien anca ti!”
Galo castaldo,
Galina castaldina,
Oca badessa,
Anara contessa!

Piasè avanti i ga incontrà on can, che el ghe ga dito:
“In do neo a piè par tuta sta strada che ghe da fare?”
E l’omo: “Me xe rivà ‘na carta da Roma, bisogna che vaga!”
E el can ghe dise. “Che vegna anca mi?”
E l’omo: “Ben, vien anca ti!”
Galo castaldo,
Galina castaldina,
Oca badessa,
Anara contessa,
Can baiàn!

Piasè avanti i ga incontrà el gato, che el ghe ga dito:
“In do neo a piè par tuta sta strada che ghe da fare?”
E l’omo: “Me xe rivà ‘na carta da Roma, bisogna che vaga!”
E el gato ghe dise. “Che vegna anca mi?”
E l’omo: “Ben, vien anca ti!”
Galo castaldo,
Galina castaldina,
Oca badessa,
Anara contessa,
Can baiàn,
Gato malfàto!

Piasè avanti i ga incontrà la volpe, che la ghe ga dito:
“In do neo a piè par tuta sta strada che ghe da fare?”
E l’omo: “Me xe rivà ‘na carta da Roma, bisogna che vaga!”
E la volpe ghe dise. “Che vegna anca mi?”
Galo castaldo,
Galina castaldina,
Oca badessa,
Anara contessa,
Can baiàn,
Gato malfàto,
ma ti comare volpe non te cato!